Ginapatuman sang National Grid Corporation of the Philippines ukon NGCP ang manual load dropping ukon MLD sa Visayas Grid bangud sa kakulangan sang suplay sang kuryente.
Sa interview sang Bombo Radyo kay Reagahn Alcantara, Señior officer sang NGCP, iya ginpahayag nga mataas ang demand sang kuryente sa rehiyon gani ginakulang ang available nga suplay.
Suno kay Alcantara, posible nga makaeksperyensya ang mga konsumidor sang pagkadula sang kuryente halin 5 p.m. tubtob 9 p.m.
Dugang pa sini nga maga-umpisa naman ang Yellow Alert status sa Visayas Grid halin 4 p.m. tubtob 9 p.m. bangud sa kakulangan sang suplay sa pila ka power plants rehiyon.
Bangud sini, gin-engganyo sang NGCP ang mga konsumidor nga magtipid kag magkinot sa paggamit sang kuryente, ilabi na sa peak hours.
