Manufacturing industry sang Pilipinas, nakarekord sang tayuyon nga pag-uswag sang Agosto

Nag-uswag ang sektor sang manufacturing sang Pilipinas sa sulod sang halos isa ka dekada subong nga Agosto, tuga sang pagtaas sang produksyon kag mabaskog nga demand.

Suno sa S&P Global, ang Purchasing Managers’ Index (PMI) nagtaas sa 54.9 halin sa 51.8 sang Hulyo ang pinakamataas nga lebel halin sang Disyembre 2016.

Ang pag-uswag ginpadasig sang pagdamo sang bag-o nga mga order, export sales kag repeat customers, samtang nadugangan man workforce sang mga manufacturer sa sulod sang lima ka bulan.

Kadungan sini, naghinay ang pagtaas sang input costs, kag nagtaas man sa pinakamataas nga lebel ang confidence sang sector halin sang Nobyembre 2024.