Manugbakal sang palupok, nagapati nga indi lang basta tradisyon ang pagpalupok sa pagsaulog sang bag-ong tuig

Indi lang basta tradisyon ang kabig sang isa ka manugbakal sang palupok sang paggamit sini sa pagsug-alaw sang bag-ong tuig.

Sa interview sang Bombo Radyo kay Henry Cruz, iya ginpahayag nga ang paggamit sang palupok ang isa ka pamaagi sa pagtabog sang mga malas para sa masunod nga tuig.

Suno kay Cruz, ang paggamit sang palupok ang ginakalakipan man sang daku nga responsibilidad nga mangin responsible sa paggamit agud nga indi makahatag sang perwisyo.

Dugang pa sang natungdan, mahimo man nga maggamit na lang sang iban nga alternatibo nga pampagahod kaangay sang palupok.