Manugbaligya sang bulak, indi pa mabatyagan ang dahog sang ila balaklon

ROXAS CITY – Indi pa mabatyagan sang mga manugbaligya sa sementeryo ang kadahog sang ila mga balaklon bangud malaka pa lamang ang mga nagapadulong.

Sa interview sang Bombo Radyo kay Elisa Acutillar, ginpahayag sini nga nagasugod lamang nga nagadahog ang ila baligya pag-abot sang Oktobre 31 tubtob Nobyembre 1, 2024.

Mahibaluan nga nagasugod sa P200.00, P300.00, P500, kag P1,000.00 ang presyo sang bulak nga ginabaligya ni Acutillar.

Suno diri, nga mas ginatutukan na lamang nila ang pagbaligya sang bulak sa baylo nga magdugang sang mga kandila.