ROXAS CITY – Nagpanindugan ang manugbaligya sang karne sang baboy sa bahin sang Barangay Lawaan sini nga syudad nga naga-agi sa slaughterhouse ang ila ginabaligya nga karne.
Sa pakig-angut sang Bombo Radyo kay Jean, ginsiling sini nga wala sang kamatuoran ang akusasyon sang pila ka mga manugbaligya sa lipunan bangud nagaagi sa tama nga proseso ang ila produkto.
Suno diri, imposible nga matabo nga magdinaya sila bangud adlaw-adlaw, ginatsekyar sang city veterinarian ang ila baligya kun may yara sang tatak bilang pamatuod nga ginkatay ang baboy sa sulod sang slaughterhouse.
Aminado man ini nga mas manubo ang ila presyo sa kada kilo sang baboy bangud nagasunod lamang siya sa presyuhanay sa amu nga lugar.
Pahayag sini, posible mapiyerde ang iya negosyo kun indi magpanubo sang presyo.
Sa karon, P230 ang kada kilo sang baboy sa iya pwesto nga dati yara sa P260-P270.
