Manugpangisda, gin-report nga missing matapos nga nagpa-lawod sa President Roxas, Capiz

PRESIDENT ROXAS,CAPIZ Nagapabilin nga missing ang isa ka manugpangisda sa kalalawran nga sakop sang banwa sang President Roxas, Capiz.

Ang missing amo si Sherwin Banton Jabonete, 41 years old, kag pumuluyo sang Barangay Pinamihagan, President Roxas, Capiz.

Suno sa impormasyon nga nakuha sang Bombo Radyo,naglakat ang nasambit nga manugpangisda agud kuntani nga magpalawod apang wala na ini makapauli.

Nakit-an ang iya sini nga ginasakyan nga baruto apang wala na ini sang sakay.

Sa subong nagapadayonsa gihapon ang rescue operation sang mga awtoridad agud nga gilayon nga makit-an ang manugpangisda.