Isa ka babaye ginluthang-patay sang duha ka wala makilala nga lalaki nga nagasakay sa motorsiklo kagab-i, Pebrero 13, 2026 mga alas 6:45 sang gab-i.
Ang biktima amo si Lullete Jane Ramilo, 32 anyos kag residente sang Brgy. Cabaritan, San Manuel, Isabela.
Base sa inisyal nga imbestigasyon sang kapulisan, kaupod sang biktima ang iya amay kag mga kabataan sakay sa ila Toyota Fortuner pauli na.
Sang nakagwa na ang amay agud buksan ang gate, hinali lang nga nagpalapit ang isa sa mga suspetsado sa biktima kag ginpaarakan sang luthang.
Gilayon nga nagpalagyo ang mga suspetsado padulong sa sidlangan padulong sa National Highway, Brgy. Distrito 3, San Manuel, Isabela.
Gindala naman ang biktima sa Manuel A. Roxas District Hospital sa Roxas, Isabela, apang gindeklarar ini nga dead on arrival sang doktor.
Gilayon naman nga nagresponde ang mga patrollers kag imbestigador sa insidente kag nagpatigayon sang preliminary investigation.
Nagpatuman man sang strikto nga checkpoint ang kapulisan kag nagkoordinar sa SOCO agud maproseso ang crime scene.
