Manunudlo nagpabalhag sa pulisya matapos nga ginaalegar ginpahog kag ginhambalan sang malain nga tinaga sang iya bayaw

ROXAS CITY – Nagpabalhag sa Roxas City Police ang isa ka manunudlo matapos ginaalegar nga ginhambalan sang malain nga tinaga kag ginpahog nga patyon sang iya bayaw sa Barangay Milibili, Roxas City.

Ginkilala ang tagreklamo nga si Daniel Dollete, 57 anyos sang nasambit nga lugar.

Sandig sa ginpabalhag sang tagreklamo, nga samtang nagalakat ini kaupod ang iya asawa sang hinali na lamang nga ginpalapitan kag ginhambalan sang malain nga tinaga sa diin ginpahog pa ini nga patyon ni Editha Balguma Dollete sang amo man nga lugar.

Bangud diri, ginpakamaayo na lamang sang tagreklamo nga ipabalhag sa pulisya ang insidente.