Manunudlo nagparekord sa pulisya matapos nga ginaalegar wala ginbalik sang mga pulis ang kagamitan sang iya utod nga nadakpan sa drug buybust op’s

ROXAS CITY – Nagparekord ang isa ka manunudlo sa Roxas City Police Station nga ginaalegar wala ginbalik sang mga kapulisan ang kagamitan sang iya utod matapos nga nadakpan ini sa ginkasa nga drug buybust operation sa Barangay Cagay, Roxas City.

Ginkilala ang tagreklamo nga si Michelle Laging, 36 anyos sang Barangay Tumalalod, Mambusao apang temporaryo nga nagatinir sa Barangay Tanque sining syudad.

Sandig sa ginpabalhag nga reklamo ni Laging nga wala na ginbalik ang cellphone, kwarta kag pila ka mga kagamitan sang iya utod nga si Alfred Jaguio matapos nga nadakpan ini sa buybust operation sang nakaligad nga Sabado nga adlaw. 

Bangud diri, ginpakamaayo sang tagreklamo nga iparekord sa pulisya ang insidente.