-- ADVERTISEMENT --
ROXAS CITY – Padayon nga ginabulong sa ospital ang isa ka manunudlo matapos aksidente nga mahulog sa ginasakyan nga motorsiklo sa Barangay 1, sining syudad.
Nag-angkon sang samad sa nawong kag magkatuhay nga bahin sang lawas ang biktima nga si Brinelyn Igloria 26-anyos sang Sitio Nasagud, Barangay Lanot, Roxas City.
Nahibaluan nga sakay ang biktima sa motorsiklo nga ginamaneho ni Dexter Abaracoso 35-anyos sang Barangay Dinginan sang may ginlikawan nga gubaon nga dalan kag aksidente nga nahulog ang biktima.
Gilayon man nga gindala ni Abaracoso ang biktima sa ospital agud madapatan sang pagbulong ang naangkon nga pilas.
