-- ADVERTISEMENT --
Patay na sang nasapwan ang 35 anyos nga manunudlo sa Barangay Ipil, Echague, Isabela.
Ang napatay amo si alyas “Rodel”, residente sang nasambit nga barangay, kag tumandok sang probinsya sang Quirino.
Suno sa report sang mga otoridad, ang biktima natukiban mga alas 4:45 sang kaagahon sang isa ka concerned citizen sa isa ka puno sang mangga sa lugar.
Gilayon ini nga ginpalab-ot sa mga kaingod kag mga barangay officials nga amo man ang nagpalab-ot sa kapulisan.
Gindala pa sa ospital ang biktima sa paglaum nga masalbar ang iya kabuhi, apang ini ang gindeklarar nga dead on arrival. Sa subong, padayon ang imbestigasyon sang kapulisan agud mahibaluan ang bug-os nga sirkumstansya kag iban pa nga posible nga anggulo sa insidente.
-- ADVERTISEMENT --
