Ginkilala ang isa ka manunudlo nga Capiznon bilang grand winner sa Dakilang Manggagawang Pilipino sa UAE 2025
Sa interview sang Bombo Radyo kay Mark Gerald Jore,32-anyos, isa ka inclusion specialist kag tumandok sang Barangay Tiza, Roxas City, iya ginpahayag nga madamo ini sang inagyan nga kabudlayan antes nga nakalab-ot sa United Arab Emirates kag nakuha ang nasambit nga pagpasidungog.
Suno kay Jore, antes siya magsulod sa patag sang edukasyon, nangin isa siya ka registered nurse apang bangud malapit ini sa mga kabataan nga may special needs, mas ginpili niya nga magsulod sa pagtudlo kag gamiton ang mga natun-an niya sa medisina para mas matudlu-an kag maatipan ang mga ini.
Nag-umpisa siya bilang learning support assistant sa elementary kag middle school bag-o nangin isa ka special education teacher sa high school
Pahayag pa niya, nangin mabudlay para sa iya ang pag-atubang sa mga estudyante bangud sa nagkalain-lain sini nga behavioral moods kag ang pagpaathag sa mga ginikanan nahanungod sa kahimtangan sang ila mga kabataan.
Nagpahanumdom man ang natungdan sa mga kapareho niya nga mga manunudlo nga indi gilayon mag-judge base sa nakita lang sang mata,sa baylo mas pillion nga maghangop kag tatapon ang mga kabataan para sa insakto nga dalan.
Interviewed by: Bombo Jessa Mae Delos Santos via Bombohanay Bigtime
