THAILAND – Patay ang isa ka manunudlo samtang pilason naman ang apat ka iban pa matapos nagpangluthang ang isa ka estudyante sa eskwelahan sa Thailand.
Ginkumpirma ni Lt. Col. Dechrapee Kongdee, ang Nonthaburi provincial police commander, nga may yara sang napatay kag gin-utas man sang gunman ang iya kaugalingon.
Natabo ang insidente sa Bang Kruai district sang Nonthaburi province.
Sa mga laragway makit-an ang mga emergency workers, mga estudyante nga pagguwa sa Debsirin Nonthaburi school.
May yara man sang isa ka tawo nga makit-an nga nagahigda sa stretcher sa guwa sangn ambulansya.
Nahibaluan nga sang Pebrero, may yara man sang manunudlo nga napatay kag isa ka estudyante nga napilasan sa Hat Yai district sa Thailand matapos nga nagpalupok man sang armas ang gunman sa eskwelahan.
