ROXAS CITY – Nagdepensa ang 55 anyos nga kargador natuhoy sa alegasyon nga ginhikap sini ang 28 anyos nga babaye sa Teodoro Arcenas Trade Center.
Suno kay Arcadio Barcelo, wala sang kamatuoran nga ginhikap niya ang paa ni Luisa Llasus kag indi niya ini mahimo bangud suod gid niya nga abyan ang amay ni Llasus.
Ginpahayag sini nga imposible nga hikapon niya ang paa ni Llasus bangud may bitbit ini nga kalabasa sa iya duha ka kamot.
Suno diri nga sang ginlabyan niya si Llasus, iya ini nga ginsag-idan sang iya tiil nga kasubong indikasyon sang iya pagpalihog nga magpatimpla sang kape.
Suno sa iya nga nakibot na lamang siya sang may nag-alabutan nga mga pulis kag gindakop na ini.
Wala man suno diri sang kamatuoran ang alegasyon ni Llasus nga may iya ini sadto nga ginlingling sa sulod sang CR.
