Daku ang kontribusyon sang Maragtas sang Capiz sa paghangop sang kasaysayan, kultura kag pagkilala sang mga Capiznon sa ila kaugalingon kag kahilwayan.
Sa interview sang Bombo Radyo kay Erwin Bonifacio, Local Historical Researcher, iya ginpahayag nga importante ang pagtuon sa mga sugilanon kag dokumento parte sa Maragtas agud mapreserbar ang mga istorya nga naghulma sa identity sang mga taga-Capiz.
Suno kay Bonifacio, kinahanglan usisaon kag ikumpara sa iban nga historical sources ang mga detalye sang Maragtas, may yara gihapon ini sang importante nga papel bilang bahin sang oral tradition kag cultural heritage sang Panay.
Nagpanawagan man ini sa mga Capiznon, ilabi na ang kabataan, nga magtuon kag magpreserbar sang lokal nga kasaysayan agud indi madula ang mga sugilanon, tradisyon kag identity nga ginapanubli sang nagligad nga mga henerasyon.
