Posible nga magapangatubang sang reklamo sanday Senator Rodante Marcoleta kag former Congressman Mike Defensor may kaangtanan sa gin-alegar pagbulig sini kay anay Marine Orly Guteza sa iya testimonya sa Senate Blue Ribbon Committee.
Suno kay Senador Panfilo Lacson, naggwa sa hearing nga gin-giyahan ni Marcoleta si Guteza sa detalye sang iya affidavit.
Lakip sa mga alegasyon ni Guteza amo nga ginaalegar nga nagdeliver ini sang mga maleta sang kwarta sa pila ka mga opisyal lakip na si anay House Speaker Martin Romualdez.
Dugang pa ni Lacson, mahimo nga magpasaka sang reklamo sanday Romualdez batok kanday Marcoleta kag Defensor bangud isa ini sa mga una nga nadalahig sa testimonya ni Guteza.
Mahimo man nga magpatigayon sang preliminary investigation ang Department of Justice kag ang Office of the Ombudsman may kaangtanan sa posible perjury, nga ginakabig nga isa ka public offense.
