Mahimo sa gihapon magtambong si Senator Rodante Marcoleta sa impeachment trial ni Vice President Sara Duterte sa Lunes, Hulyo 6 suno kay Senate President Sherwin Gatchalian.
Gin-athag ni Gatchalian nga sa subong nagapabilin nga senador si Marcoleta bangud wala pa sang pinal nga desisyon ang Sandiganbayan kon mag-isyu sang arrest warrant batok kay Marcoleta bangud sa plunder case nga ginpasaka sang Ombudsman.
Dugang pa ni Gatchalian, may tsansa pa si Marcoleta nga makahatag sang iya depensa kag makapaathag sa korte antes maghimo sang desisyon bilang kabahin sang judicial process.
Matandaan nga sang Biernes, Hulyo 3, pormal nga ginpasaka ang kaso nga plunder sang Ombudsman batok kay Marcoleta kag sa tatlo ka iban pa may kaangtanan sa P75 million nga wala gindeklarar nga campaign donations sa iya 2025 senatorial campaign.
