Nag-plead “not guilty” si Senator Rodante Marcoleta sa mga kaso nga plunder kag paglapas sa Presidential Decree (PD) 46 sa iya arraignment sa Sandiganbayan Third Division.
Antes sang arraignment, ginbawi sang kampo ni Marcoleta ang ila motion to quash, nga naghatag dalan agud magpadayon ang pagbasa sang mga kaso.
Ang mga kaso may kaangtanan sa ginatudlo nga P75 million nga wala na-deklara nga campaign donation nga nabaton sang senador para sa iya kandidatura sa pagka-senador sang 2025.
Suno sa Office of the Ombudsman, lakip sa ila ebidensya ang tatlo ka cash donations nga nagalab-ot sa P75 million nga wala ginpakita sa Statement of Assets, Liabilities and Net Worth (SALN) kag sa campaign finance reports ni Marcoleta.
Ang Presidential Decree 46 nagadumili sa mga opisyal sang gobyerno nga magbaton, direkta ukon indi direkta, sang regalo, kwarta ukon ano man nga benepisyo nga may kaangtanan sa ila opisyal nga katungdanan.
