Ginpangunahan ni Pangulong Ferdinand R. Marcos Jr. ang padumdum sa ika-28 nga anibersaryo sang 1996 Final Peace Agreement kaupod ang Moro National Liberation Front ukon MNLF nga ginpatigayon sa Malacanang.
Suno sa Presidente, indi ini nangin madali agud makuha ang kalinong nga produkto sang kadam-an tubtob nakuha ang peace agreement, 28 ka tuig na ang nakaligad.
Ginhatagan man sini sang pagtamod nga desidido ang gobyerno nga mapabilin ini pinaagi sa pag-angkon sang internal resolution sa diin man nga internal armed conflict nga possible nga magbangon.
Mahibaluan nga ginapatuman man sang gobyerno ang Transformation Program agud itib-ong ang sosyo-ekonomiko nga kondisyon sang mga MNLF combatants, mga pamilya, kag mga komunidad.
Bangud sini, ginganyat ni Marcos ang nagkalain-lain nga sector sa padayon nga pagpakig-angut sa tanan nga mga stakeholder sa rehiyon padulong sa isa ka accountable, transparent, kag people nga nakasentro ang gobyerno sa Bangsamoro.
