Bukas si Presidente Ferdinand “Bongbong” Marcos Jr. nga batunon ang ano man nga suhestiyon nagikan sa pamilya Duterte kaangot sang mga ginapangatubang nga isyu sa mga proyekto nga flood control sa pungsod, suno sa pahayag sang Malacañang.
Sa isa ka opisyal nga pahayag, ginsiling ni Press Officer Undersecretary Claire Castro nga padayon ang pagtutok sang Presidente sa pagresolba sang mga iregularidad sa mga flood control projects.
Dugang pa sini, mas maayo kun maghatag ang mga Duterte sang impormasyon kaangot sang flood control projects nga ginpatukod sang administrasyon ni anay Presidente Rodrigo Duterte.
Wala man gintumod sang Palasyo kun ano nga mga partikular nga proyekto ukon komento ang ginatumod, apang nangin huring-huring sang damlag lang ang pila ka mga isyu nga may kahilabtanan sa budget kag implementasyon sang mga flood control projects.
Padayon pa man ang pakighinun-anon sang administrasyon sa mga ahensya nga may kaangot sa imprastraktura kag dunang manggad agud nga maaksyunan ang epekto sang mga pagbaha, labi na sa tunga sang nagalala nga epekto sang pagbag-o sang klima.
