Gin-usisa ni Senador-Judge Imee Marcos si OVP Asec. Lemuel Ortonio may kaangtanan sa nagkalain-lain nga dokumento nga napahayag sa confidential funds sang Office of the Vice President.
Ginhatagan pagtamod ni Marcos nga sa 2022 PFP, “good governance” lamang ang ginpahayag nga katuyuan sang pondo.
Apang sa request sa Department of Budget and Management (DBM) sang Agosto 22, 2022, ginpahayag sini ang “good governance” lakip ang conduct of official engagements kag functional representation sa international kag domestic events.
Sang nakalab-ot ini sa certification sang Oktubre 17, 2023, ang mga wording lain kag nagsiling nga “no untoward incident in the implementation of OVP programs.”
Ginpamangkot ni Marcos kon ngaa wala naga-anggid ang mga dokumento, apang ginpahayag ni Ortonio nga indi siya kabahin sang pagporma sang PFP kag wala man siya sang personal nga ihibalo sa certification bangud gina-alegar si security officer Col. Lachica ang nag-uyat sini.
Gin-athag man ni Ortonio nga direkta nga nagareport si Col.Lachica kay Vice President Sara Duterte kag indi sa iya.
