Talk of the town ang TV host nga si Mariel Padilla matapos natalupangdan sang pila ka mga netizens nga wala na sini gin-follow sa Instagram ang mga aktres nga sanday Angel Locsin kag Anne Curtis.
Suno sa mga netizens, nadula ang duha sa list sang Followers ni Mariel matapos nag-viral ang mensahe ni Angel para sa iya bana nga si Senator Robin Padilla.
Matandaan nga nangin topiko sang balita si Angel matapos magpaguwa sang malawig nga pahayag angot sa iya pagkadismaya sa pila ka panindugan ni Robin Padilla, lakip na ang red-tagging issues, suporta sa Kingdom of Jesus Christ founder nga si Pastor Apollo Quiboloy, kag mga pahayag angut sa China kag sa West Philippine Sea.
Samtang daw kaangay nga nagsabat ang utod sang senador nga si Rommel Padilla matapos gin-share ang post sa social media sang isa ka netizen nga nagapakalain kay Angel.
Sa subong, wala pa sang opisyal nga pahayag sanday Mariel Padilla, Angel Locsin, kag Anne Curtis angut sa isyu sang gina-alegar nga pag-unfollow sa Instagram.
