Natalana nga maga-host si Marina Summers sa palaabuton nga Miss Universe Philippines coronation night nga pagahiwaton sa Mayo 2, alas 7 sang gab-i, sa Mall of Asia Arena.
Matandaan nga sang tuig 2024, liwat nga nagbida si Marina sa entablado sang Miss Universe Philippines bilang opening act sa diin nag-perform ini sang “AMAFILIPINA.”
Siya man ang una nga drag queen nga nag-perform sa entablado sang amo nga pageant, nga ginakabig nga isa ka makasaysayan nga tion para sa kompetisyon.
Nakilala si Marina sa una nga season sang “Drag Race Philippines,” kon sa diin siya ang nangin runner-up. Sang ulihi, ginrepresent niya ang pungsod sa “RuPaul’s Drag Race: UK vs The World” kag nagtapos sa ikaapat nga pwesto.
Samtang, ginalauman naman nga pagakoronahan ang masunod nga Miss Universe Philippines sa amo man nga gab-i, kon sa diin si Ma. Ahtisa Manalo ang magapasa sang korona.
