-- ADVERTISEMENT --
Trending sa social media ang aktres-singer nga si Maris Racal matapos nga nasiplatan ini kaupod ang isa ka non-showbiz foreigner nga gilayon nga nagtuga sang espekulasyon nga posible may bag-o na ini nga relasyon.
Ang mga litrato sang aktres naglapta, kon sa diin makita sila sang lalaki nga magkaupod sa isa ka waiting lounge kag sa sulod sang isa ka pampubliko nga transportasyon.
Sa mga litrato, matalupangdan ang mamag-an nga pag-istoryahanay ni Racal sa lalaki samtang nagabitbit ini sang bagahe.
Sa subong, wala pa nakahatag sang pahayag si Maris angut sa identity sang lalaki, kag wala man sini ginkumpirma ang mga huring-huring angut sa ila ginapahayag relasyon.
