ROXAS CITY-Ginpasalig sang Market Administrator sang Pontevedra Public Market nga magapatigayon ini sang imbestigasyon natuhoy sa reklamo batuk kay Mrs. Evangeline Bebing Contreras sa tion nga makalab-ut na reklamo sa ila nga talatapan.
Ini ang ginpasalig ni Mr. Marlou Diestro, Market Administrator sang Pontevedra Public Market sang mainterview sang Bombo Radyo Roxas.
Suno kay Diestro, aminado ini nga indi pa makahatag sang aksyon iya nga talatapan natuhoy sa mga reklamo batuk kay Contreras bangud wala pa sang pormal nga reklamo nga ginpalab-ut sa iya nga opisina.
Suno kay Diestro nga may yara sang proseso nga ginasunod para sa mga empleyado sang gobyeno nga luyag i-reklamo sang publiko.
Wala man ini sang may nabatian nga reklamo batuk kay Contreras nga gintumod sini nga mabuot man nga sahi sang empleyado.
Bangud sini, nagpangabay si Diestro sa mga tagreklamo nga magpadulong sa iya talapan agud magplastar ang ila mga problema batuk kay Contreras.
Ginpasalig man sini nga kun may yara sang salabton si Contreras, handa ini nga ipaidalom sa disciplinary action ang amo nga empleyado.
Matandaan nga ginreklamo sa Bombo Radyo si Contreras bangud sa indi patas pagpasulod sang mga bumalakal nga wala sang faceshield nga ginaalegar may yara sang palakasan system.
