Nagmarka na sang isa ka tuig ang pag-aresto kag pagdala kay Former President Rodrigo Duterte sa International Criminal Court sa The Hague, Netherlands.
Ini natabo sang Marso 11, 2025 pag-abot ni Duterte sa Pilipinas halin sa Hong Kong sang siya ang ginserbehan sang warrant halin sa International Criminal Court bangud sa ginaalegar extrajudicial killings sa iya nga drug war campaign.
Gab-i sang amo nga petsa sang gin-transport si Duterte sa Netherlands kun sa diin nahamtang ang ICC.
Marso 12, 2025 sang siya ang nag-abot sa The Hague kag ginbutang sa detention facility.
Ang former president ang nagapangatubang sang tatlo ka counts sang crimes against humanity cases sa murder kag attempted murder bangud sa iya ginatawag nga Davao Death Squad sang siya pa ang alkalde sang Davao City kag sa iya war on drugs sang siya ang nangin president sang Pilipinas.
Nahibaluan nga natapos lang sang nagligad nga bulan ang pre-trial hearings sang ICC Pre-Trial chamber I kag ginahulat na lang ang desisyon kun madiresto ukon indi sa trial ang mga kaso ni Duterte.
