Ginpresentar sang House prosecution panel ang isa ka acknowledgment receipt gikan sa Office of the Vice President (OVP) nga ginsumite sa Commission on Audit (COA), kon sa diin ginpahayag nga ang ngalan nga “Mary Grace Piatos” nakabaton sang ₱70,000 bilang “payment of reward (medicines).”
Kalakip man sa mga pangalan nga ginsambit sa mga dokumento amo sanday Renan Piattos, nga gin-alegar nakabaton sang P110,000;Nova Santos, P85,000; Mico Harina, P295,000; Janice Marie Revilla, P70,000, Patty Ting, P150,000; Andy Lim, P50,000; Alejandro Pikit, P90,000; Feonna Biong, P80,000; kag Sisfrunio Balsac, P70,000. Ginsambit man ang ngalan nga si Gabriela Bisaya, nga gin-alegar nakabaton sang P70,000.
Suno kay anay COA state auditor nga si Roderick Wamil, ginpahayag nga kulang ang resibo bangud wala ini sang supporting documents nga nagapamatuod sang kadalag-an sang operasyon, nga isa ka requirement sa idalum sang Joint Circular No. 2015-01.
Sa pagpangusisa ni House prosecution panel Atty. Lorna Kapunan, ginpahayag ni Wamil nga indi matumod sa resibo lamang kon ang ginbayad nga reward ang para sa medicines, gani naghingyo ang COA sang dugang nga paathag kag mga dokumento.
Matandaan nga ginkumpirma sang Philippine Statistics Authority (PSA) nga wala sang opisyal nga record ang pangalan nga “Mary Grace Piatos,” rason nga ginpanindugan sang prosecution nga posible isa ini ka fake identity nga gingamit sa paggasto sang confidential funds.
