MANILA — Ginhatagan ni Presidente Ferdinand Marcos Jr. sang absolute pardon si Mary Jane Veloso, ang Filipina nga nag-antos sang halos 15 ka tuig sa death row sa Indonesia antes ginbalik sa Pilipinas sang Disyembre 2024.
Suno kay Marcos, iya na napirmahan ang pardon ni Veloso sang Huwebes. Ginhatag sang Presidente ang pahayag sa isa ka chance interview sa Guiuan, Eastern Samar.
Ang absolute pardon nagadula sang nabilin nga penalidad kag nagapabalik sang civil kag political rights sang isa ka indibidwal, nga wala sang kondisyon.
Nadakpan si Veloso sa Indonesia sang 2010 kag ginsentensyahan sang kamatayon matapos makuhaan sa iya bagahe ang 2.6 kilos sang heroin. Napunggan ang iya pagpatuman sang death sentence sang 2015 matapos magpagwa sang temporary reprieve ang Indonesian government.
Sang Disyembre 2024, ginbalik si Veloso sa Pilipinas kag gin-transfer sa Correctional Institution for Women sa Mandaluyong bilang kabahin sang kasugtanan sang Pilipinas kag Indonesia nga nagkuha sang posibilidad nga mapatuman ang iya death sentence.
