Ginkumpirmar sang Department of Foreign Affairs (DFA) nga makapauli na sa pungsod si Mary Jane Veloso sa palaabuton nga Disyembre 18.
Suno kay DFA Undersecreteray Tess Lazaro, nga takna ala-6 sang aga sa Disyembre 18, yari na sa pungsod si Veloso.
Matandaan nga nadakpan ang 39-anyos nga si Veloso bangud sa pagbibit sang iligal nga droga nga heroin nga may kabug-aton nga 2.6 kilos sa Indonesia sang tuig 2010.
Sang tuig 2015 naman sang ginkanselar sadto ni Presidente Joko Widodo ang pagbitay sa iya bangud sa ginapahayag nga human trafficking.
Sang Hunyo 2023 sang ginbisita ini sang iya himata sa Yogyakarta kag sang Enero, nag-apela ang pamilya sini kay Presidente Ferdinand Marcos Jr para sa iya clemency.
Sang Nobyembre sang ginsiling ni Presidente Marcos nga may yaras ang kasunduan ang Pilipinas kag Indonesia nga ibalhin na sa pungsod si Veloso nga kun sa diin ginpasalamatan sini ang bag-o nga Presidente sang Indonesia nga si President Prabowo Subianto.
Nag-apela man ang ginikanan ni Veloso nga kun pwede ipahamtang ini sa pasilidad nga may strikto nga seguridad bangud sa pagkabalaka sang mga ini nga pagbanta gikan sa international drug syndicate.
