Ginkumpirmar sang pamunuan sang Bureau of Corrections nga natapos na ang lima ka adlaw nga quarantine period ni Mary Jane Veloso.
Suno sa ahensya, bangud diri, ginbalhin na ini sa regular dorm sang Reception and Diagnostic Center sa sulod sang Correctional Institution for Women sa Mandaluyong City.
Sa sulod sang nasambit nga dorm, magatinir ini sang yara sa 59 ka adlaw.
Samtang yara sa sulod, nagapaidalom ini sa mandatory orientation, diagnostic kag classification.
Makaupod ni Veloso sa sulod sang nasambit nga regular dorm nga may 48×32 feet nga sukat ang yara sa 30 ka bag-o nga sulod nga Persons Deprived of Liberty.
Suno kay BuCor Director General Gregorio Catapang, importante nga mangin pamilyar danay ang mga bag-o nga PDLs sa mga rules kag regulations sang BuCor.
Pagatun-an man sa mga ini ang mga kinamatarong kag prebilehiyo sang mga bag-o nga PDLs.
Kaangut sini, ginmandu na ni Catapang sa mga personahe sang CIW nga i-translate ang record ni Veloso sa Indonesia.
