Nakaguwa na sa prisohan si Mary Jane Veloso matapos makabaton sang absolute pardon halin kay President Ferdinand Marcos Jr.
Emosyonal nga nagguwa si Veloso sa Correctional Institution for Women sa Mandaluyong City subong nga gab-i, samtang hawid sini ang kopya sang absolute pardon nga pirmado ni Marcos.
Nagpabutyag ini sang iya pagpasalamat kay President Marcos matapos ang aprdon kag sa paghatag sang kahigayunan nga makaupod liwat ang iya pamilya.
Nagapati ini nga indi pa ulihi ang tanan, bangud may tsansa pa siya nga bantayan ang iya mga kabataan.
Matandaan nga sang Disyembre 2024 si Veloso ginsaylo sa kustodiya sang Pilipinas pagkatapos sang tinuig nga pagkapriso sa Indonesia.
Ginsentensyahan sang kamatayon si Veloso bangud sa pagdala sang iligal nga druga sa diin natalana ini nga patyon sang Setyembre 2015 paagi sa firing squad kag sa katapusan nga minuto nadakpan ang babaye nga nag-recruit kay Veloso kon sa diin ginpasakaan ini sang kaso nga human trafficking gani nangin testigo sang prosecution si Veloso.
Sa subong, ginahulat pa ni Veloso ang iya pamilya gikan sa probinsya antes ini dalayon nga makaguwa sa correctional facility.
