Posible nga presuhon sa Palawan ukon sa Davao Prison and Penal Farm ang convicted on death row nga si Mary Jane Veloso kun makabalik na ini sa Pilipinas sa Disyembre subong nga tuig.
Suno sa Bureau of Corrections Director General Gregorio Catapang Jr., ginapanumdom na nila kun sa diin magaderitsu si Veloso pag-abot sini sa pungsod.
Tatlo ka presohan nagikan sa Metro Manila, Davao kag Palawan ang sa karun nga ginapilian sang ahensya.
Mahimu nga magapabilin si Veloso sa minimum security compound sang Correctional Institute for Women (CIW) kaupod ang 20 ka iban pa nga mga Persons Deprived of Liberty (PDL).
Pabay-an man suno nila nga magpili si Veloso kun sa diin sa mga correctional facilities ang luyag sini.
Si Veloso ang makabaton man sang training nagikan sa Technical Education and Skills Development Authority (TESDA) agud makatrabaho ini sa mga plantasyon ukon depende sa skills nga matun-an sini.
Samtang, pag-abot ni Veloso nagikan sa Indonesia ang ginalauman nga magapabilin ini sang masubra 2 ukon tubtob 4 ka semana sa diagnostics center para magpaidalum sa full body examination agud mahibaluan kun may yara ini sang ginabaligya ukon bisan ano nga medical problems.
