Mas gamay nga bagyo ang ginalauman nga magaigo sa pungsod sa tion sang “very strong” nga El Niño, apang suno sa Philippine Atmospheric, Geophysical and Astronomical Services Administration (PAGASA), ang mga bagyo nga maporma ang posible nga mas makahalalit.
Sa subong, wala pa sang El Niño sa pungsod, apang ginalauman sang PAGASA nga mahimo ma-eksperyensyahan ang “very strong” nga El Niño sa katapusan nga quarter sang 2026.
Ang El Niño isa ka natural phenomenon nga nagatuga sang pag-init sang temperatura sa Pacific Ocean, nga may daku nga epekto sa klima sang Pilipinas. Sa masami, nagaresulta ini sa mas malawig nga tigpalamangag, mas diutay nga ulan, kag mga pagbag-o sa mga pattern sang pagporma sang bagyo.
Bangud sini, nagpahanumdom sang PAGASA ang publiko kag lokal nga gobyerno nga magpreparar sa posible epekto sang mas mabaskog nga bagyo, ilabi na sa mga lugar nga masami gina-igo sang kalamidad.
