Lauman ang mas madamu nga sports sa 2028 Olympics kadungan sang plano nga pagbalik sa pila ka mga sporting events.
Suno sa inisyal nga plano, mangin 36 na ang kabug-usan nga sport events sa Los Angeles Olympics kumparar sa 32 sa nakaligad nga Paris Games.
Kalakip sa mga madugang amu ang hampang nga cricket nga ulihi nga nakit-an sadtong Paris Olympics 1900.
Pagagamiton diri ang fast-paced Twenty20 format sang nasambit nga sports.
Magabalik man ang mga hampang nga baseball, softball, kag ang lacrosse nga pila na ka edisyon nga wala nahampang sa Olympics.
Madamu man suno sang igadugang sang Los Angeles Organizing Committee ang iban pa nga bag-o nga sports nga kasubong sang flag football kag squash apang ginatun-an pa sa karon.
Kakason naman ang breakdancing nga una na nga kahigayunan nga ginsulod sa kakatapos lang nga paris games.
Samtang, nagapabilin sa gihapon ang provisional status sang boxing sa masunod nga Olympics kasunod sang mga panawagan nga pagreporma sa pamalakad sa nasambit nga sporting event.
Mahimu nga sa ulihi nga bahin pa sang 2025 magapaguha sang desisyon ang International Olympic Committee (IOC) angut diri.
