Mas malamig nga panahon, mabatyagan na sa masunod nga semana – PAGASA

Makabatyag na sang malamig nga klima ang pungsod sumugod sa masunod nga semana.

Suno sa Philippine Atmospheric, Geophysical and Astronomical Services Administration (PAGASA) nga ang malamig nga panahon ang epekto sang northeast monsoon ukon amihan.

Base sa monitoring sang PAGASA nakit-an nila ang nagabaskog nga high-pressure system sa East Asia nga nakaimplluwensya sa weather patterns sa Pilipinas.

Ginalauman man ang pag-ulan sa pila ka bahin sang Luzon kag Visayas kalakip na ang Metro Manila.

Matandaan nga sadtong Oktubre 7 sang gindeklarar sang PAGASA ang opisyal na nga pagtakop sang southwest monsoon ukon hanging habagat.