Mas o menus P150,000, ginbilin nga kahalitan sang sunog nga nagluntad sa banwa sang President Roxas, Capiz

Nagdangat sa mas o menus P150,000 ang ginbilin nga kahalitan sang sunog sa isa ka puluy-an sa Barangay Vizcaya, President Roxas, Capiz.

Ginapanag-iyahan ang amo nga puluy-an ni alyas “Rean”, 37-anyos kag residente sang nasambit nga lugar.

Sa impormasyon nga nakuha sang Bombo Radyo, ginapahayag nga totally burned ang amo nga puluy-an nga human sa mixed concrete and light materials.

Pahayag pa nga matapos makabaton sang report nga may nagluntad nga sunog sa lugar ang mga katapo sang bombero gilayon nila ini nga ginrespondihan apang madasig nga naglapta ang kalayo.

Sa karon, padayon pa ang ginapatigayon nga imbestigasyon sang mga katapo sang bombero agud mahibaluan ang gintunaan sang amo nga sunog.