Ginpatpat sang isa ka public health expert ang mga rason kun ngaman nagabatyag sang tension headache kag migraine ang isa ka tawo.
Suno sa isa ka health expert, ginapahayag nga kun nagabatyag sang paghugot kag nagapitik ang ulo, ginatawag ini nga tension headache samtang migraine naman kun nakakabatyag sang mabug-at ang ulo kag kun may makit-an nga naga igpat-igpat.
Isa sa mga kumon nga rason sang tension headache amo ang masami nga pag-atubang sa computer. Apang sa migraine naman ang masami makuha sa gahod ukon noise pollution kag kun masilawan ang isa ka tawo.
Ginpaboran man sang health experts ang masami nga mabatian sa mga tawo nga nagalingin ukon nagasakit ang ila nga ulo tungod nagaproblema sa kwarta, bangud suno diri, naga-react sa stress ang nervous system kag nagaresulta ini sang tension headache.
Panugyan sang health experts, magpahuway kun makabatyag sang kapoy ang mata kag lawas agud nga malikawan ang pagsakit sang ulo. Samtang, kun nagabatyag naman sang migraine, gilayon nga mag inom sang bulong nga prescribed sang doctor.
