ROXAS CITY – Gintay-og sang 4.8 magnitude nga linog ang Batuan, Masbate City takna 5:30 kaina sang aga.
Ini ang sandig sa datos nga ginpaguwa sang Philippine Institute of Volcanology and Seismology (PHIVOLCS).
Sa interview sang Bombo Radyo kay Engr. Reynaldo Antioquia, PHIVOLCS-Capiz, magluwas sa Masbate nga amu ang epicentre sang linog, nabatyagan man sa Roxas City ang pagtay-og nga yara sa intensity 1.
Suno diri, indi malikawan nga ma-ekperensyahan sang syudad ang linog bangud ang geographical location sini ang malapit lamang sa Masbate.
Pagklaro ni Antioquia nga wala sang dapat ikahadlok ang mga pumuluyo sang Capiz bangud wala na sang ginalauman nga aftershocks matapos ang pagtay-og sa Masbate.
Dugang pa sini, nga daku gid ang mabulig kun may yara sang husto nga ihibalo pag-abot sa linog agud malikawan ang posible disgrasya.
