MASBATE CITY, MASBATE- Ginpaidalom na sa State of Calamity ang bug-os nga probinsya sang Masbate matapos nga gin-igo sang Signal No. 4 nga Bagyo Opong.
Suno kay Bombo Gil Bayaban, Correspondent derekta sa Masbate, iya ginpahayag nga madamo sang mga pamilya ang naapektuhan sang amo nga bagyo sa diin nga nagdangat ini sa 16,302 ka mga pamilya ukon kabaylo sa 57,113 ka mga indibidwal.
Pahayag nya, ang bug-os nga probinsya sang Masbate ang sa subong nagaeksperyensya sang madulom nga palibot bangud 100% nga nadula ang suplay sang kuryente sa diin nga ginalauman sini nga magadugay pa antes nga mabalik.
Dugang pa sang natungdan, magluwas sa suplay sang kuryente, nadula man ang signal sa diin nga mabudlay sa subong ang komunikasyon.
Nagalaum naman si Bayaban nga indi na maglawig pa ang ila pag-antus kag amat-amat nga makabangon ang Masbate.
Interviewed by Bombo Roadnie Daban Dalanon
