Ginbuksan na sang Energy Development Corporation ang 28.9-megawatt Palayan Binary Geothermal Power Plant sa probinsya sang Albay.
Suno sa ahensya, ginalauman ini nga magahatag sang dugang nga suplay sang kuryente sa pungsod.
Ginpahayag ni Energy Development Corporation president kag chief operating officer, Jerome Cainglet nga ang Palayan Binary Geothermal Power Plant, ang parte sang ginpasangkad nga 140 MW Bacon-Manito facility sang ahensya.
Sang tyempo pa sang Covid-19 pandemic sang ginsuguran ang konstruksyon sini samtang nagdangat naman sa 7 billion pesos ang gintalana sang EDC para sa nasambit nga proyekto.
Paathag pa sang opisyal nga dako ang maibulig sang nasambit nga proyekto para malikawan na ang 72,200 metric tons sang carbon emissions kada tuig.
Magadangat man sa 75% ang mabuhin sini sa greenhouse emission magsugod ang tuig 2030.
