Masobra 1-K nga suldado sang North Korea, napatay sa pagpakig-giyera sa Ukraine

Naglab-ot sa masobra 1,000 ka mga suldado sang North Korea ang napatay kag napilasan matapos nga nagbulig ang mga ini sa Russia para makig-giyera sa Ukraine.

Suno sa Joint Chief of Staff sang South Korea, nga ini ang ila nga nakuha nga impormasyon sumugod sang magpadala sang suldado ang North Korea.

Mahibaluan nga masobra isa ka libo na ang ginpadala sang North Korea sa mga borders sang Ukraine kag Russia.

Sa karon, plano man sang North Korea nga dugangan ang numero sang mga suldado nila nga ipadala sa Russia.

Matandaan nga una na nga ginpanginwala sang North Korea nga nagpadala sila sang suldado sa Russia apang sang ulihi, ila man nga gin-ako nga may pila ka suldado ang nagpasakop sa giyera.