Daku nga kaperdihan ang naangkon sang Construction Sector nahanungod sa flood control projects anomalies, suno sa National Union of Building & Construction Workers (NUBCW).
Sa pahayag ni Santiago Nolla, Secretary General sang NUBCW,masobra 100,000 ka ubra ang nadula matapos kanselahon ang mga permit sang mga contractor.
Suno sa grupo, indi lang direkta nga apektado ang mga empleyado sang construction firms kundi lakip man ang mga sub-contracted workers nga nagaubra sa sini nga mga proyekto.
Nabatyagan ang epekto sunod sang sulat sang Philippine Statistics Authority (PSA) nga may kaangtanan sa pagsaka sang unemployment rate sa nagligad nga tinuig.
Dugang pa sang full-year data, ang unemployment rate nagsaka sa 4.2% sang tuig 2025, mas mataas ini kun ikumpara sa 3.8% sang tuig 2024.
Tungod sini, nagpanawagan ang NUBCW sang madali nga mga tikang agud suportahan ang mga nadulaan sang ubra kag magpatuman sang reporma para malikawan ang corruption sa mga proyekto nga pang-imprastruktura nga direktang naga-apekto sa kabuhi sang mga manggagawa.
