Masobra isa ka gatos ka mga puluy-an sa isa ka residential area sa Zone 6, Barangay Talaba 3, ang nasunog sang Sabado sang gab-i nga nagkalaguba sang puluy-an sang ginabanta 200 ka pamilya.
Naglab-ot sa second alarm ang sunog kag nagkinahanglan sang walo ka fire trucks agud mapalong ang kalayo.
Suno sa isa ka opisyal sang barangay, ginbilin nga nagasiga ang kandila nga gintunaan sang insidente.
Napalong ang sunog mga alas 12 sang kaagahon sang Domingo.
Samtang, suno sa mga residente sa lugar, nag-umpisa ang sunog sa ikaduha nga panalgan sang isa ka balay.
Wala naman sang may ginreport nga napatay ukon nasamaran sa nasambit nga insidente.
Samtang, ang iban nga mga evacuees ang temporaryo na nga nagatiner sa mga kaingod, himata, sa barangay hall, kag sa Talaba Elementary School.
