All set na ang masobra 1,000 ka mga delegado sang Western Visayas para sa palaabuton nga Palarong Pambansa 2026 nga pagahiwaton sa Agusan del Sur sa Mayo 24 tubtob Mayo 31.
Sa interview sang Bombo Radyo kay Hernani Escullar Jr., Regional Information Officer sang Department of Education Region VI, iya ginpahayag nga pagkatapos sang Western Visayas Regional Athletic Association Meet nga ginhiwat sa Passi City, padayon ang ensayo sang mga atleta bilang preparasyon para sa Palarong Pambansa.
Suno kay Escullar, sa nasambit nga numero, 630 ang mga atleta, 207 ang non-officiating officials, 94 ka coaches, 21 ka assistant coaches, 47 ka chaperons, 20 para sa demo sports kag apat ka miyembro sang management committee.
Target naman delegasyon sang Western Visayas ang makahakot sang madamo nga bulawan nga medalya sa kompetisyon.
