Nakahanda na ang masobra 1,000 ka mga delegado sang Western Visayas para sa pagbukas sang Palarong Pambansa 2026 sa Agusan Del Sur.
Sa interview sang Bombo Radyo kay Mr. Hernani Escullar Jr., Regional Information Officer sang Department of Education- Region 6, iya ginpahayag nga sa 1,023 ka mga delegado, 630 diri ka mga atleta ang gikan halin sa elementary, secondary kag para-games kaupod ang 94 ka coaches, 21 ka assistant coaches, 47 ka chaperons, 20 nga magaparticipate sa demo- sports, kag 4 ka management committee members.
Suno kay Escullar, 100 percent na sang mga delegado ang yara sa billeting schools gikan sa nagkalain-lain nga bahin sang Western Visayas.
Pahayag pa niya, may bastante nga tubig, pagkaon kag kuryente, amo man ang komportable nga tululugan.
Dugang pa sang natungdan, target sang Western Visayas nga makakuha sang mga bulawan nga medalya kag mangin rank 1 ukon overall champion agud malampuwasan sini ang reigning rank nga yara sa ikatatlo nga pwesto.
