Masobra 12-k ka mga indibidwal, ginbakwit bangod sa padayun nga paglapta sang wildfire sa France

Padayon ang paglapta sang wildfire sa rehiyon sang Gironde sa France.

Tungod sini, ginahanda ang pagbakwit sang 8,800 ka mga residente kag turista bilang paglikaw sa peligro.

Suno sa mga otoridad, masobra 3,100 hectares sang kagubatan sa palibot sang Arcachon Bay ang natupok na sang kalayo.

Kalabanan sa mga ginpabakwit amo ang mga turista nga nagaestar sa mga campsite sa Lege-Cap-Ferret peninsula.

Temporaryo man nga ginsira ang pila ka mga karsada kag mga lugar nga malapit sa kagubatan.

Sa sini nga tion, wala pa sang narekord nga napatay ukon napilasan bangod sang pinakabag-o nga wildfire sa France.