Gin-anunsyo ni President Ferdinand Marcos Jr. sa iya ika-lima nga State of the Nation Address (SONA) nga masobra 12 million ka Pilipino ang nakabenepisyo sa “Benteng Bigas, Meron Na!” programa, nga nagatuyo nga mahatagan sang barato nga bugas ang mga sektor nga nagakinahanglan.
Suno sa Presidente, ang mga benepisyaryo ginalakipan sang mga senior citizens, persons with disabilities (PWDs), solo parents, minimum wage earners, public transport drivers, indigent family, kag mga rehistrado nga mangunguma kag mangingisda.
Ginpahayag man ni Marcos nga ang gobyerno nakapanghatag sang masobra 26,000 metrc tons sang bugas, nga nakabulig sa masobra 2.5 million ka pamilya sa bug-os nga pungsod.
Dugang pa sang Presidente nga magapadayon ang programa tubtub nga malab-ot sini ang walo ka milyon ka pamilya, samtang halos duha ka milyon ka mga mangunguma kag mangingisda ang nakabaton man sang suporta sa idalum sang Presidential Assistance to Farmers, Fisherfolk, and Families ukon (PAFFF).
