Masobra 1,300 indibidwal nga apektado sang Bataan oil spill, nahatagan sang trabaho sa idalom sang TUPAD – DOLE

Ginhatagan sang trabaho ang nasa masobra 1,300 ka tawo nga apektado sang nagtagas nga langis sa Bataan.

Suno kay Department of Labor and Employment (DOLE) Secretary Bienvenido Laguesma, naghatag ang ahensiya sang P45 million para mahatagan sang alternatibo nga trabaho ang kabug-usan nga 1,357 apektado nga manggagawa kalakip ang mga tripulante kag mangunguma sa idalom sang Tulong Pang-hanapbuhay sa Ating Disadvantaged/Displaced Workers (TUPAD) program.

Pila sa mga ginhatag nga ubra sa mga ini amo ang magbulig sa pagpaninlo kag pagkolekta sang husk kag mga buhok nga ginagamit sa paghimo sang spill boom.

Samtang, masobra P20 million nga pondo ang ginhatag man para mabuligan ang mga apektado nga manggagawa sa calabarzon partikular na sa Cavite.