Padayon nga narekord ang aftershocks sa pila ka bahin sang Mindanao, matapos nga nagluntad ang 6.1 magnitude nga linog sa baybayon sang Davao Occidental mga las 7:07 sang aga, suno sa Philippine Institute of Volcanology and Seismology (PHIVOLCS).
Humalin sang nagluntad ang mayor nga linog, 22 na ka mga aftershocks ang na-record, sa diin lima diri ang gin-plot ukon na-detect sang duha ukon kapin pa nga mga pasilidad.
Isa diri ang nabatyagan sang mga residente.
Ang mga aftershock may magnitude sa tunga sang 2.4 kag 5.2, nga isa ka kinaandan nga bahin sang aktibidad pagkatapos sang mabaskog nga linog.
Ang epicenter sang linog yara sa 85 kilometros southeast sang Isla sang Sarangani, kag may kadalumon nga 79 kilometros, gani wala ini nagtuga sang tsunami.
Apisar nga wala sang nareport nga kahalitan, nabatyagan ang linog sa madamo nga mga lugar sa Mindanao lakip na ang syudad sang Davao, General Santos, kag mga banwa sa Sarangani kag South Cotabato.
Padayon ang monitoring sang PHIVOLCS sa mga aftershocks kag nagapanugyan sa publiko nga mangin alerto kag magsunod sa mga paandam sang mga otoridad.
