Nagsaka na sa 21 nga mga kabalayan ang gintupok sang kalayo nga kun sa diin 30 ka mga pamilya ang apektado sang sunog kaina sa takna alas-9 sang aga sa likod nga bahin sang Bagbag Public Cemetery sa Novaliches, Quezon City.
Suno sa Bureau of Fire Protection (BFP), nagsugod ang sunog sa puluy-an ni Saturnina Verasis nga kun sa diin ginapahayag nga nagsugod sa napabay-an nga electric fan nga 24 oras nga nakabukas sa ila pulu-an.
Gilayon naman nga nagresponde ang mga operatiba sang BFP nga kun sa diin natapna naman ang kalayo kaina sang takna alas-10:17 sang aga nga umabot lamang sa ikaduha nga alarma.
Wala naman sang may naulamid ukon napilasan sa nasambit nga sunog nga kun sa diin padayon gihapon nga ginausisa kun pila ang estimated nga balor sang nahalitan sa nasambit nga insidente.
